Goragune enblematiko batean dago, eta jende guztia joateko modukoa da; bertatik
Tutera hiriaren gainek ikuspegi ederra dago, eta, besteak beste, bere ospe handiko baratze-eremua ("la mejana" esaten zaio), Errege Bardearen Natur Parkea eta Ebro ibaia ikusten ahal dira.
Burdinaren II. Arotik bizi izan da jendea bertan, eta Erdi Aroan Antso VII.a Azkarraren bizilekua izan zen errekonkista egin eta gero; Nafarroako Karlos III. Prestuak handitu egin zuen XIV. mendean, eta Cisneros kardinalak suntsitzeko agindu zuen XVI. mendean, Nafarroako Erresuma konkistatu ondoren. Geroago, jendez hustu eta karlisten gotorlekua izan zen XIX. mendean. Gaur egun, eraikin nagusiak dirau zutik; XX. mendeko 1940ko hamarkadan
Jesusen Bihotz Sakratuaren omenez egina den estatua bat dago gainaldean.
