Aviso Aviso
Koronabirusari aurre egiteko pixkanaka hartzen ari diren neurriak direla eta, programatutako ekintza eta jarduera asko aldatu edo bertan behera uzten ari dira. Beraz, atarian argitaratutako edozein eduki egiaztatzea gomendatzen dugu.
KoronabirusaNafarroa-ri buruzko azken berriak jarrai ditzakezu web atari honetan: http://koronabirusa.nafarroa.eus
Ikusi eta egin

Urbasa-Andia Natur Parkea

Mendiak eta mendilerroak

Multimedia

Urbasa-Andia Natur Parkea - Urbasa Mendia
icono pie de fotoUrbasa Mendia
Urbasa-Andia Natur Parkea - Urbasa Mendiko iturburua
icono pie de fotoUrbasa Mendiko iturburua
Urbasa-Andia Natur Parkea - Urbasa Mendia
icono pie de fotoUrbasa Mendia
Urbasa-Andia Natur Parkea - Río Urederra
icono pie de fotoRío Urederra
Argazki guztiak ikusi
Urbasa Mendia
Duela milioika urte, Zunbeltz edo Lizarraga izeneko ordoki handiaren erliebea aldatu zen betiko. Hondoratze tektoniko handia gertatu ondoren, Urbasa eta Andia mendi ospetsuen arteko korridore handia ireki zen. Nafarroa atlantikoaren eta mediterraneoaren artean, parke natural zabala eratzen dute biek, Foru Komunitateko mendebaldean.

Larreak eta pagadi usuak tarteka ageri dira natura-gune babestu horretako paisaia eder-ederrean. Hegoaldeko ertzak goitik behera erortzen dira bat-batean Ameskoa gainean. Toki horretan, naturak behatoki ikusgarria sortu du Urederraren iturburuko zirkuaren gainean.

Informazio zentroetan natur parkeari buruzko informazioa bildu ahalko duzu: aisia eremuak, informazio guneak, bertako flora eta fauna, eta baso eta haitz ederren barnean bideratuko zaituzten zidor seinaleztatuak. Ehiztari, artzain, egurgile eta ikazkinek mendeetan izan duten bizimoduaren oihartzunek zipriztintzen dituzte paisaiak. Urbasako eremu megalitikoan ez dago batere seinalerik, beraz, zail samarra da han barna ibiltzea.

Nafarroako mendebaldean kokaturik, Urbasa eta Andia mendiek osatzen dute Urbasa-Andiako Natur Parkea. Andia mendia zeharkaturik, NA-120 errepideak Etxarri-Aranatz eta Lizarra lotzen ditu. 20. kilometroan, errepidetik metro batzuetara, erromatarren galtzada dago, garai batean Egaibar eta Arakil ibarra lotzen zituen lekukoa, mila urtetik gora dituena. Mendiak parkeko bazter ikusgarrienetariko bat eskaintzen dio bisitariari: Irantzuko monasterioa.

Lurralde osoaren % 70 pagadi ikusgarriz betea dago, hagin, ipuru eta pinuekin batera. 1.000 metrotan badira arrasoak izeneko lautadak. Soilguneak dira, hots, zuhaitzik gabeko bazkalekuak eta, tarteka, txilarrak eta elorriak daude. Ohikoan, han bazkatzen egoten dira zaldi, behor eta ardiak. Ardi esnearekin Idiazabal izeneko gazta goxo-goxoa egiten da. Soilgune guztietan handiena denari Arrasoa esaten zaio. Bertan, XVII. mendeko jauregi bat aurkituko duzu, baina gaur egun itxita dago.

Eta ez ibili erreka bila Natur Parkean, lurzorua kareharrizkoa baita. Beraz, ura lur barnera sartu eta arrailaz arrail, leizez leize iragazten da. Zalantzarik gabe, leku egokia da espeleologia maite dutenentzat. Bi iturburu ikusgarri daude: Urederra ibaiarena, Urbasa mendian (Bakedaon dago sarbidea), eta Andia mendian dagoen Ubagua ibaiarena (Errezun dago sarbidea).

Olazti eta Lizarra lotzen dituen NA-718 errepidea hartzen baduzu, mendia alderik alde gurutzatuko duzu. Baina, aukera izanen duzu ibilgailua hainbat tokitan uzteko. Iparraldeko sarreran gomendagarria da Informazio Zentroa bisitatzea. Parke Naturalak paisaiari, ekologiari eta kulturari begira dituen balioei buruzko xehetasunak emanen dizkizu. Hegoaldean, "Seberinoren borda" dago. Interpretaziorako eremua da gaur egun, eta artzainen bizimodua ekartzen digu gogora. Artzainak bizi eta azienda gordetzeko etxolari esaten zaio boirda. Borda horretan, gainera, ikaztobi bat egin da.

Ibiltzea nahiago baduzu, badira seinale bidez markatutako hainbat ibilbide, batzuk daude Urbasa mendian:

- Iturrien ibilbidea bidexka zirkularra da. Seberinoren bordatik abiatu eta 4,5 kilometro ditu. Desnibela apala da, bazterrak zoragarriak eta badira hainbat iturri.

- Artzainen ibilbidea. 7,6 kilometro ditu. Bidexka erraza da eta Urbasako baso eta arrasoak zeharkatzen ditu, abeltzaintza erabilerak ikusteko. Informazio Zentroan hasi eta Seberinoren bordan bukatzen da.

- Mendizaleen ibilbideak 3,8 kilometro ditu. Mendiaren iparraldeko amilbururik gorenera iritsiko gara -1.113 metrotan-. Zailtasun ertaineko bidea da, Informazio Zentrotik abiatu eta gatzaren bide zaharrari jarraikitzen zaio. Lehenago, bide hori erabiltzen zuten hurbil dagoen Jaitz herritik gatza garraiatzeko.

- Dulantz eta Irantzuko arroila (Andía). Erraketa itxurako zidorra da, 18,6 kilometrokoa. Irantzuko monasteriotik hurbil atera eta lehen ibaiaren ibilbideari jarraitzen dio, baso itxietan barna Dulantz tontorreraino igotzeko.

  • Ibilbide gomendatua, Urbasa eta Andiako ingurune hurbila ezagutzeko.

    • Kokapena

    Oharrak

    EMPRESAS QUE OFRECEN ACTIVIDADES EN LA ZONA:

    Ordutegi, data eta prezio orientagarriak. Entitate arduradunarekin baieztatzea aholkatzen da

    Inprimatzeko fitxa

    Informazio praktikoa