Aviso Aviso
Koronabirusari aurre egiteko pixkanaka hartzen ari diren neurriak direla eta, programatutako ekintza eta jarduera asko aldatu edo bertan behera uzten ari dira. Beraz, atarian argitaratutako edozein eduki egiaztatzea gomendatzen dugu.
KoronabirusaNafarroa-ri buruzko azken berriak jarrai ditzakezu web atari honetan: http://koronabirusa.nafarroa.eus
Ikusi eta egin

Santiago Eliza

Camino de Santiago
Elizak eta baselizak

Multimedia

Santiago Eliza - Santiago Eliza
icono pie de fotoSantiago Eliza
Santiago Eliza - Santiago Eliza
icono pie de fotoSantiago Eliza

Eguraldia
Santiago Eliza
Donejakue bidearen eragina agerian dago Zangozako eliza honetan. Apostoluari eskainia egoteaz gain, Santiagori buruzko aipamen ugari ere agertzen ditu bere dekorazioan. Izen bereko karrikan kokatua, estilo erromaniko berantiarrean eraikitzen hasi ziren eta garai gotikoan eman zitzaion segida (XII. eta XIII. mendeak). Harrizko irudi bik irudikatzen dute Santiago oinez ibiltzeko jarreran, erromes: horietako bat polikromatua da eta sarrerako tinpanoan dago; bestea gotikoa da eta tenplu barnean gordeta dago. Bi irudi horiek eta San Eloiren erretaula platereskoa (XVI) dira elizak dauzkan harribitxietako batzuk. Halaber, badu gotorleku itxura duen almenadun dorrea. XIX. mendeko gerrek izugarri kaltetu bazuten ere, erabat zaharberritu zuten 1966an, eta monumentu historiko artistikoa egin zuten hamaika urte geroago.

Santiago eliza monumentu historiko artistikoa da 1977az geroztik, izen bereko karrikan dago Zangoza izeneko herrian, Nafarroako Erdialdean, alegia. Erromanikoaren eta gotikoaren arteko trantsizioaren adibide ederra da; burualdeko hiru absideak eta atari nagusia lehenbiziko estilori dagozkio. Aldiz, XIII. mendean, hiru nabeak egituratu zituzten, hirurak gurutzeria-ganga sinplearekin estaliak.

Ondotik ere eliza eraikitzen segitu zuten. Izan ere, XIV. mendekoa da eraikinetik sendotasun handiz altxatzen den almenadun dorre karratua.

Atari nagusia xumea da eta bere tinpanoan (XVII. mendea) Santiago ageri da maskor baten gainean atsedena hartzen. Maskorra Donejakue bidearen ikurra da. Alde batean, bi erromesen pinturak daude, biak belaunikaturik, eta santuari otoitz egiten ari zaizkio. Eta bi-biek ere Santiagorantz zihoazen ibiltarien jantzia daramate: sotana marroia, maskorra lepotik dilindan, txano beltza eta, eskuan, makila.

Elizaren barnealdea nabarmen lotua dago Donejakue bideari. Hori agerikoa da apaingarrietan, Bidearekin zerikusia duten apaingarriak baitira: pordoiak, erromes-maskorrak eta kalabazak. Hiru nabe ditu, lau tarte, burualde erdi-zirkular hirukoitza eta deboziorako kapera zenbait. Kapera horietako batean, Santiagoren harrizko irudi bat dago (XIV). 1964ra arte, kaperako lurpean egon zen ezkutaturik eta tamainaz bitxia da, ia bi metrokoa baita; santuak Ebanjelioen liburua dauka ezker eskuan eta erromesaren pordoia -puska batean hondatua- eskuinekoan.

Tenpluaren barnealdean badira hainbat gauza nabarmengarri arteari begira, esaterako, erretaula nagusia (XVIII), lau kapera (Jesusen Bihotza, San Roman, Gurutziltzatua eta Elurretako Ama Birjinarena), bai eta bataiorako kapera ere. Azken horretan dago San Eloiren erretaula (XVI. mendekoa).

Barrenetik kanpora atera ondoren, erreparatu eliza aurrean dagoen etxe noble handiari: harrizko atari bikoitza du eta arku erdi-zirkularra. Erromesentzako ospitale zaharra da, gaur egungo abatetxea, eta atariaren dobelan erromesaldiaren ezaugarriak agertzen dira.

Kokapena

Ordutegi, data eta prezio orientagarriak. Entitate arduradunarekin baieztatzea aholkatzen da

Inprimatzeko fitxa

Informazio praktikoa

  • Herria SANGÜESA
  • Zonaldea Erdialdea
  • Helbidea Calle Santiago
  • Esteka interesgarriak
  • Telefonoa 948870132
  • Estiloa Erromanikoa, Gotikoa
  • Babestutako obra edo lekua Monumento Histórico-Artístico