Misterioa, escapismoa eta ginkanak

Casa de los Ulibarri Imajinatzen duzu zauden hotelean hilketa bat izan dela eta hura argitzen laguntzen duzula? Edo sorginak elkartzen ziren leize baten barruan zabiltzala, harizti baten inguruko misterioa ikertzen duzula edo Baztango Trilogiaren sekretuak ezagutzen dituzula?

Hauek dira urtean zehar izanen dituzun jarduera misteriotsuetako batzuk. Nahi dugu zuk ezagutzea Nafarroako alderdirik magikoena eta misteriotsuena, bisita gidatuen bidez, eskapismoko jokoen bidez, geocaching-ekin altxorrak bilatuz edo Sendavivako Halloweenez gozatuz... zuk bakarrik, edo familiarekin nahiz koadrilarekin.

Ikaragarria izanen da!

Room Escape

Areto famatu hauetan bada enigma bat ezkutuan. Hura ordubetean argitzeko gai izanen zara? Ikus Nafarroako Nafarroako Escape Room-en zerrenda.

Street eta Natura Escape
Room escape-eko aretoen antzekoa, baina aire zabalean. Ginkana moduko bat, adin guztietako taldeendako egokia dena. Ausartuko zara?

Oihaneko jenioen mezua: goza ezazu escape room honetaz Orokietako herrian, Basaburuan.
Amalurraren erronka: Basaburuko 4 herritan barrena egiten den jarduera.
Benjaminen sekretua, street escape bat Tuteran: Erriberako hiriburuak, herririk enigmatikoenak, proposatzen dizu pertsonaia honen misterioa argitu dezazun.
San Felicesen tradizioa Vianan. Mugikorrerako app honek Erdi Aroko Vianara eramanen zaitu, eta bisitaldi turistiko kulturala eskainiko, probak ebatzi ahala aurrera egin dezazun. Jaso informazioa turismo bulegoan.
Iruñeko Taconerako escape sekretuak. Enigmak argitzen Iruñeko Taconera parkean. (Jarduera puntuala, azaroaren 2koa)

Ostatu hartu + misterioak argitu
Ostatu lasai batera iritsi berri zara oporretan, eta bat-batean hilketa bat gertatzen da. Dituzun detektibe gaitasunak zorrozten joan, hiltzailea apopiloen artean dago eta. Zeu izanen zara kasua argituko duena?

Ayestaran Ostatua "Ayestaraneko 4 misterioak". (Lekunberri)
Ulibarritarren etxea "Exquisite Corpse" (Allo)

Bisita gidatuak

"Tutera beltza" Bisita gidatua Tuteraren historia beltzera.
"Baztango Trilogia" Bisitak Elizondora.
"Argi itzazu labirintu-hilerriaren 7 misterioak" Bisita Hilarrien Museora, Abaurregainan
Saguzar-gaua, Irunberrin. (Jarduera puntuala, irailaren 21ekoa)

Leizeen bisitak

Zugarramurdiko leizea: sorginak elkartzen ziren gunea eta akelarreen tokia.
Ikaburuko leizea, Urdazubin: Urtxume errekak eragin handia izan du leize horren eraketan, eta hartan pertsonaia mitikoak, gerrillariak eta kontrabandistak egon izan dira.
Mendukilloko leizea, Astitzen: leize honetan sartzea da Aralarko mendilerroaren alderdi sakonetan ibiltzea, trikuharri eta kondaira ezagunak dituen eremu horretan.
Turistikoak ez diren leizeak: sartu Nafarroako osin eta leize ezkutuenetan, espeleologiako enpresen laguntzarekin.

Sorginkeria Nafarroan
Joan zaitez Zugarramurdira, Sorginen museoa eta leize ospetsua ezagutzera. Sorginak elkartzen ziren lekua zen, eta Álex de la Iglesia zuzendariak han grabatu du "Las Brujas de Zugarramurdi" filma.

Gainera, alor hau gustatzen bazaizu, egin Nafarroako Sorginkeriaren Ibilbidea: eremu horretako herririk magikoenetara eramanen zaitu.

Halloween, Senda Vivan
Udazkeneko asteburuetan Sendaviva, jolasen, animalien eta ikuskizunen parkea, eraldatu egiten da. Etor zaitez familiarekin egun ikaragarri bat igarotzera: betiere aisia eta dibertsio bikainak izanen dituzu.

Intereseko hitzorduak