Aviso Aviso
Koronabirusari aurre egiteko pixkanaka hartzen ari diren neurriak direla eta, programatutako ekintza eta jarduera asko aldatu edo bertan behera uzten ari dira. Beraz, atarian argitaratutako edozein eduki egiaztatzea gomendatzen dugu.
KoronabirusaNafarroa-ri buruzko azken berriak jarrai ditzakezu web atari honetan: http://koronabirusa.nafarroa.eus
Proposamenak

Esako urtegia

Birding klubari atxikiak
Lakuak eta urtegiak

Multimedia

Esako urtegia - Esako urtegia
icono pie de fotoEsako urtegia
Esako urtegia - Embalse de Yesa
icono pie de fotoEmbalse de Yesa

Eguraldia
Esako urtegia
Leire mendiaren oinetan, orban berde-urdinxkak hamar bat kilometro hartzen ditu luzeran, Pirinioen hurbiltasuna iragartzen duten erkametzez, pagadiz eta pinudiz jantzitako paisaiaren edergarri.



Esako urtegia Esa herriko udal-barrutian dago eta Aragoi eta eska ibaiak elikatzen ditu. 1960an zabaldu zen, 10 km. luze da eta 1 kilometrotik 2,5ra arteko zabalera du. 470 km3 ur gordetzeko edukiera du.

Nahiz-eta seinale bidez markatutako bidexkarik ez egon, toki egokia da urtegiko ertzetatik eta inguruetatik paseatzeko. Urtegia bera izanen da beti erreferentzia. Denboraz ongi bazabiltza, ipar ertzetik atzealderaino joan zaitezke, Leire mendiko kareharrizko labar izugarriaren begiradapean; eta basoan sartzen bazara, zozoen eta txantxangorrien txio-txioa entzuteko aukera izanen duzu egun lasaietan, edo basakatuen, erbien, azerien, muxarren, erbinudeen eta katajineten soinu iheskorra ere bai.

Presa Esa herritik hurbil dago, errekan gora eginez. 400 metro ditu luzeran eta 75 altueran.

Esan, erronkariarren zubiaren arrastoak daude, Aragoi ibaiaren gainean XI. mendean eraikia. Hirurogeita hamar metro ditu luzeran eta bi eta erdi, berriz, zabaleran. Oraindik zutik daude hasierako bost arku erromatarretatik hiru. Kondairaren arabera, hantxe gertatu omen zen funtsezko bataila bat Errekonkistaren hasieran arabiar armadaren aurka eta Erronkariko bizilagunek parte hartu omen zuten, gogatsu parte hartu ere. Hortik heldu zaio izena zubiari. Gudaldi hori, gainera, ibar horretako armarrian islaturik gelditu zen.

Urtegitik hurbil bada zer bisitatu, esate baterako, Zangoza, hots, Donejakue bideak zeharkatutako monumentu-hiria. Edo Xabierko gaztelua, hau da, Nafarroako zaindaria sortu zen lekua. Kantu gregorianoak mendi gainean dagoen Erdi Aroko eraikuntza batean entzun nahi badituzu, ez galdu Leireko monasteriora joateko aukera. Gainera, handik, Esako urtegiaren ikuspegi zoragarria gozatuko duzu.

Kokapena

Oharrak

**Miradores para admirar el embalse: desde el monasterio de Leire y en la carretera que discurre paralela al pantano donde en varios puntos hay zonas más abiertas para estacionar el vehículo y disfrutar del paisaje.

Ordutegi, data eta prezio orientagarriak. Entitate arduradunarekin baieztatzea aholkatzen da

Inprimatzeko fitxa

Informazio praktikoa