Antolatu bidaia

Irunberriko Arroila

Zintzurrak

Multimedia

Irunberriko Arroila - Irunberriko Arroila
icono pie de fotoIrunberriko Arroila
Irunberriko Arroila - Túnel Foz de Lumbier
icono pie de fotoTúnel Foz de Lumbier
Irunberriko Arroila - Río Irati
icono pie de fotoRío Irati
Irunberriko Arroila - Foz de Lumbier
icono pie de fotoFoz de Lumbier
Argazki guztiak ikusi

Eguraldia

Oharpena

El acceso al Puente del Diablo es dificultoso y peligroso, por lo que no se recomienda acceder.

Irunberriko Arroila
Sai arre taldeak malkarren gainean hegan; harkaitz zorrotzak, hegaztien habia toki; arroketan pasabide mehar eta bitxiak zizelkatzen dituen erreka-ur garden eta freskoa; elezaharraren arabera, deabruak lagundurik eraikitako zubiaren arrastoak; antzina, Irati Espainiako lehenbiziko tren elektrikoak zeharkatutako bi tunelak.

Malkartsua, beraz, hango paisaia, eta Irunberriko arroilara hurbiltzen bazara, ederki gozatu ahalko duzu ingurunea. Izan ere, Irati ibaiak landu du natur erreserba izendatutako zintzur estu hura.

Geologia izugarria dagoenez eta mendeetan isolaturik egon denez, hango haitz malkartsuak estaltzen dituen landaredi bereziak bere horretan iraun du, eta hegazti harrapari handien egoitza da. Horma gorrixkez osatutako ikuskizun paregabe horretako pitzaduretatik zuhaitzak eta zuhaixkak hazten dira zintzilik, hegazti harrapari handien pausaleku.

Irunberriko arroila berezia da 1.300 metro luze den hango ibilbidean herribide seinaleztatua dagoelako. Labarren oinean, ibaiari hurbil jarraitzen dio bideak, eta Nafarroako Pirinioen ekialdeko lehen mendiak iragartzen ditu. Entzun uretako marmarra eta belatxingen oihuak, hango natur inguruneko edertasuna gozatzen duzun bitartean.

Gainera, arroila honi eta Nafarroako gainerakoei buruzko jakingarri guztiak izanen dituzu Irunberriko Arroilen Interpretazio Zentroan.

Arroila oso hurbil dago Irunberritik. Bada, herri horretatik abiatu eta zintzurraren ondoan dagoen aparkalekura iritsiko gara. Irati errekak kareharrian hondeatutako haitzartea da Irunberriko arroila, Leire mendiaren mendebaldeko muturrean, Nafarroako Pirinioen oinetan. Nafarroako mendi-zintzurrik ikusgarrienetakoa da, Irati ibaiak milioika urtetan landutako paisaia. Gaur egun ere, errekak hortxe dihardu egunez egun bere arrastoa uzten izadiaren santutegi honetan. Natur erreserba da 1987tik hona.

Irunberrikoa arroila meharra eta txikia da, luzeran 1.300 metro ditu eta edertasun ikusgarria dario alde guztietatik. Hormarik altuenak 150 metro gora dira, eta bere arraildura, haustura eta erlaitzetan sai arre eta ugatz ugari bizi dira, haitzartera eginen duzun bisitan lagun izanen dituzunak. Arroila ere azerien, basurdeen, azkonarren eta sai zurien babeslekua da eta erkametzez eta abaritzez beterik dago. Baina era askotako zuhaixkak hazten dira kareharrizko hormetako arrailetan: ezkaia, izpilikua eta ollaga, besteak beste. Arroilaren sarreran eta irteeran, berriz, badira makalak, sahatsak eta lizarrak.

Beste mendi-zintzur batzuk ez bezala, Irunberrikoa aise egin daiteke oinez harkaitzen oinean doan bide zabal batetik. Guztira 2,6 kilometro dira. Beste mendi-zintzur batzuk ez bezala, Irunberrikoa aise egin daiteke oinez harkaitzen oinean doan bide zabal batetik: Irunberriko arroilaren natur bidetik. Guztira 2,6 kilometro dira.

Bidea seinaleztatua dago, erreka ondotik doa eta argi artifizialik gabeko bi tunelen bitartez zeharkatzen du harkaitza: batak 167 metro ditu eta besteak, berriz, 206. Azken tartean, bideak arroka inguratu eta Deabruaren Zubiaren arrastoetaraino iristen da. XVI. mendean eraikitako zubi horrek bazuen errekatik 15 metroko altueran zegoen arku bat. Independentziako Gerran, frantsesek 1812an suntsitua, izena elezahar bati zor dio. Kondaira horren arabera, zubigileak laguntza eskatu zion deabruari zubi hura egiteko.

Bigarren ibilbide bat dago han, herribide batek markatzen duen. Kolore berde-zurien eta zurezko zutoinen bidez seinaleztaturik dago, bideak aldameneko mendi-hegaletatik arroila inguratu eta itzulbidea zintzur barrenetik egiten du, harik eta hasierako aparkalekura iritsi arte. 6 kilometro baino gehixeago luze izanik, 175 metroko desnibela duenez, inguruko bazterrak ikusteko aukera paregabea ematen du

Hegaztiei behatzea da natur erreserbak eskaintzen duen beste jarduera erakargarri bat. Gozatu sai arreen hegaldi dotorea NA-178 errepidearen ondoan dagoen behatokitik, Jakako errepideko bidegurutzetik hurbil. Behatoki horretatik saien janlekua ikusiko duzu eta, era berean, airean zintzilik dauden harrapari handiak, harrapakinen kontra jo baino lehen.

  • Ibilbide gomendatua, Irunberriko arroilaren ingurune hurbila ezagutzeko.

    • Kokapena

    PREZIOAK

    Oharrak:

    • Acceso gratuito a la foz.
    • Tasa de aparcamiento cuando existe servicio de guardas: motos 1€, coches 2,5€ y autobuses 5€.

    Bisita gidatua

    Enpresa kudeatzailea: Centro de Interpretación de las Foces 948 88 0874

    Oharrak

    Empresas que realizan diferentes actividades en la zona: visitas guiadas, senderismo, fotografía de naturaleza, recorridos en balsa...

    Ordutegi, data eta prezio orientagarriak. Entitate arduradunarekin baieztatzea aholkatzen da

    Inprimatzeko fitxa

    Informazio praktikoa