Estazio biologikoa - Arguedas
Antolatu bidaia

Estazio biologikoa

Naturaren interpretazio guneak / Hegaztien behatokia

Multimedia

Estazio biologikoa

Eguraldia


Ebroko ibar-basoetatik eta Errege Bardeako Natur Parketik hurbil, Arguedasko "El Raso" barrutian dago estazio biologikoa. Bi hektarea ditu, eta Erriberan eraiki den lehenbizikoa da. Hango lurraren fisionomia adierazgarria da, eskualdeko gainerako eremuen itxura bera duelako. Hain zuzen ere, landaredi naturalak estalirik eta arroz soroek inguraturik daude lur horiek.

Eraikin bioklimatikoa da estazioaren ardatz nagusia, eta Errege Bardeako harriez egindako garai bateko eraikina da. Zaharberriturik dago, eta bisitariak hartzen ditu ingurumen heziketako ikasgelan eta hegaztien behatokian. Instalazio horiek behar bezala horniturik daude estazioko jarduerak garatu ahal izateko.

Ingurumen heziketako ikasgelaren helburua da estazioak programaturiko jardueren berri ematea, eta arroz soroei eta hegaztiei buruzko heziketa eskaintzea, hango erakusketa iraunkorraren bitartez. Bertako hegazti deigarrien maketak nabarmentzen dira erakusketan. Esparru pedagogikoa osatzeko, hitzaldietarako aretoa eta naturari buruzko liburutegia daude.

Hegaztiak behatzea da estazioaren jarduera nagusia, hegazti anitzek hango esparruak erabiltzen baitituzte habia egiteko, gizentzeko eta babesteko. Horri esker, edozein urtarotan ikusten ahal dira txoriak. Teleskopioak eta prismatikoak daude behatokian, hango hegaztiei behatzeko, besteak beste: zingira-mirotza, amiamoko zuria eta galtzeko arriskuan dauden espezieak, zingira-berdantza, esaterako.

Kokapena

Ordutegia

Primavera:

  • Horario habitual: sábados y domingos, de 11:00 a 17:00. De lunes a viernes, sólo visitas de grupos concertando con antelación.
  • Semana Santa (del 13 al 28 de abril): horario sin cambios, salvo los días 18, 19 y 22, de 11:00 a 17:00.
  • Día 1 mayo (festivo): de 11:00 a 17:00.

Bisita gidatua

Deskripzioa: para grupos, previa cita telefónica.

Enpresa kudeatzailea: Gurelur 948 151 077  y 606 980 068

Ordutegi, data eta prezio orientagarriak. Entitate arduradunarekin baieztatzea aholkatzen da