Nafarroako golf-zelaiak

Golfaren zale amorratua bazara eta ezin baduzu zure zaletasuna alde batera utzi, jakin ezazu Nafarroan badirela bost golf eta pitch & putt zelai (azken horiek tamaina txikiagokoak dira).

GOLF-KLUB NAGUSIAK

Ultzama golf-kluba: zure abilezia erakutsi ahal izanen duzu 18 zuloko ibilbide horretan; ibilbidean zehar, ehunka urteko haritzekin egin ahal izanen duzu topo. Gainera, leku pribilegiatu horretatik, bisitaldiak egin daitezke inguruetan, hala nola Orgiko basora edo ibarreko han-hemenkako herri bitxi eta ederretara.

Gorraiz golf-kluba: zelai horrek 18 zulo ditu, baita honako hauek ere: green zabal eta ondulatuak, hiru aintzira handi eta drainatze-sare zabala; hala, urte guztian zehar joka daiteke golfean.

Lizaso pitch and putt: pitch & putt modalitateko zelai bat da. Ibilbideak 9 zulo ditu, eta horietako bakoitzak, 2 irteera; hala, jokatzeko, 18 zulo daude, golf-zelai baten ibilbidean bezala.

Zuasti golf-kluba: José María Olazabalek diseinatua da eta 18 zulo ditu, baita putting greena, praktiketarako kantxa, pitch and putta eta approach eremua ere.

Cerro Fontellas: Nafarroako Erriberan dago eta 18 zulo ditu.