Erriberri hiria den arren, herri baten antza du. Nafarroako Erdialdean dago eta 3.000 biztanle inguru ditu. Bisitak Erdi Arora eramango zaitu, torneoak, erregeak eta printzesak, magoak eta juglareak zeuden garaira... Bisita ezinbestekoa da eta, tokiko gidariek kontatzen badizute, are gehiago disfrutatuko duzu.
BISITA MOTAK:
- "Erriberriko sekretuak" ibilaldi gidatu bat da, hiriko kale estuetan barrena eramango zaituena, bazter liluragarriak erakutsiko dizkizuna, eta baita errege-egoitza izan zeneko historia mamitsua eta herriko kontakizun dibertigarriak ere. Errege-jauregia izan zena ezagutuko duzu, gaur egun paradore nazionala. Andre Maria eliza ere ezagutuko duzu , eta, orain dela gutxi zaharberritu denez, jatorrizko polikromia ikusteko aukera izango duzu. San Pedro eliza, armarridun etxeak, Erdi Aroko galeriak... Bisita ezin da amaitu kopa bat garnatxa-ardo eta mokadurik jan gabe.
Guiarte (948 741 273) Iraupena: bisitak 2 ordu eta dastatzeak 30 minutu. Helduentzako prezioa: 9€; 11 eta 17 urte bitartekoak: 6 €.
- Gogorarazten dizugu Errege-jauregira (XIV) bisita ez dagoela barne ibilbide gidatuan. Errege-jauregia Europako luxu handienekotzat eta Nafarroan ezinbesteko bisitatzat hartzen da eta gutxienez 45 minutu beharko dituzu jauregia bisitatzeko.
Erriberri hiria den arren, herri baten antza du. Nafarroako Erdialdean dago eta 3.000 biztanle inguru ditu. Bisitak Erdi Arora eramango zaitu, torneoak, erregeak eta printzesak, magoak eta juglareak zeuden garaira... Bisita ezinbestekoa da eta, tokiko gidariek kontatzen badizute, are gehiago disfrutatuko duzu.
