Aviso Aviso
Koronabirusari aurre egiteko pixkanaka hartzen ari diren neurriak direla eta, programatutako ekintza eta jarduera asko aldatu edo bertan behera uzten ari dira. Beraz, atarian argitaratutako edozein eduki egiaztatzea gomendatzen dugu.
KoronabirusaNafarroa-ri buruzko azken berriak jarrai ditzakezu web atari honetan: http://koronabirusa.nafarroa.eus
Antolatu bidaia

Kondestablearen Jauregia

Camino de Santiago Iristeko moduan
Gazteluak/Jauregiak

Multimedia

Kondestablearen Jauregia - Fachada palacio
icono pie de fotoFachada palacio
Kondestablearen Jauregia - Patio interior
icono pie de fotoPatio interior
Kondestablearen Jauregia
Kondestablearen Jauregia

Eguraldia
Fachada palacio
Kale Nagusiaren eta Jarauta kalearen arteko elkargunean dagoen eraikin historiko hau XVI. mendeko Iruñeko arkitektura zibilaren adierazgarri bakarra da. Jauregiaren jatorria ezagutzeko, beharrezkoa da atzera egitea 1548. urtera. Urte hartan, Luis Beaumontekoak, Nafarroako kondestableak, elkarren ondoan zeuden 4 etxe erosi zituen, Kale Nagusiko kantoian zegoen bere etxea handitzeko asmoz Nafarroako Kondestablearen titulua XV. mendearen lehen herenetik dator eta erregeren estandartea eramateko ardura zuten nobleak deitzeko erabiltzen zen.

Eraiki zenetik, hiriko apezpikuaren egoitza eta udaletxea izan da, besteak beste. XXI. mendean sartuta, zaharberritze lan handiak egin ondoren, jauregiak ateak ireki zituen herritarren zerbitzurako, gizarte etxe gisa. Halaber, Nafarroako interes kulturaleko ondasunen zerrendan sartu da. Egindako zaharberritzeak bere jatorrizko itxura itzuli dio jauregiari, zenbait elementu lehengoratuta, esaterako, bere izkina bitxia.

Eraikinak Berpizkundeko jauregien ereduari jarraitzen dio. Kale Nagusitik atari batetik barna sartzen da. Aurrerago patioa zabaltzen da, albo batean eskailera dagoela. Gune honen inguruan gelak daude. Atzealdean dagoen lorategi batek osatzen du multzoa. Han, garai batean, zalditegiak zeuden.

Beheko solairua
Patioa zortzi aldeko 14 zutabek mugatzen dute, haietako 8 jatorrizkoak izanik. Bertan arkeologia lanetan aurkitu den uraska bat ikus daiteke. Gela zaharrena Erdi Aroko aretoa da, 6 metrotik goragoko altuera duena. Han hiru arku zorrotz handi daude.

Lehen solairua
Solairu noblea da eta hiru egongela handi ditu. Bertako sabaiek duten egurrezko apaingarri kartesoidunak jatorrizko polikromiaren zati bat mantentzen du. Lau mendean zehar, bertan bizi zirenek nahi bezala apaindu zituzten hormak eta egongeletan barna ibiltzeak beste garai batzuetako aztarnak ikusteko aukera ematen du. Solairu honetan kokatu da Iruñeko biolin-jotzaile apartari buruzko erakusketa: Pablo Sarasate. Horretaz gain, gela nobleek aldi baterako erakusketak hartzen dituzte, hainbat gairi buruzkoak.

Bigarren solairua
Ia bi mendez jauregiaren zerbitzura zeuden langileek okupatu zuten, eta horiek marrazkiak egin zituzten hormetan; arkatzez eginiko marrazki anonimoak dira, gai askori buruzkoak. Gaur egun, solairu honetan dago multzo osoa argiztatzen duen argizuloa. Nabarmentzeko modukoa da arkutxo puntadunen galeria, berriz ere agerian utzi izana, Kale Nagusiaren aldera zabaltzen den eraikinaren aurrealdean.

Ba al zenekien...?

La primera planta del edificio acoge una exposición monográfica con objetos relacionados con la vida y obra de Pablo Sarasate, el músico más célebre de todos los tiempos que ha dado Pamplona.

Kokapena

Wifi gunea 

Oharrak

Ordutegi, data eta prezio orientagarriak. Entitate arduradunarekin baieztatzea aholkatzen da

Inprimatzeko fitxa

Informazio praktikoa

  • Herria PAMPLONA ( 31001 )
  • Zonaldea Iruñerria
  • Helbidea Calle Mayor 2
  • Esteka interesgarriak
  • Telefonoa 948224249
  • Estiloa Errenazentista
  • Babestutako obra edo lekua Bien de Interés Cultural