Aviso Aviso
Koronabirusari aurre egiteko pixkanaka hartzen ari diren neurriak direla eta, programatutako ekintza eta jarduera asko aldatu edo bertan behera uzten ari dira. Beraz, atarian argitaratutako edozein eduki egiaztatzea gomendatzen dugu.
KoronabirusaNafarroa-ri buruzko azken berriak jarrai ditzakezu web atari honetan: http://koronabirusa.nafarroa.eus
Antolatu bidaia

Santxotena Museoa

Museoak / Egile bilduma

Eguraldia


Naturarekin harremanetan eta Baztango bihotzean, Xabier Santxotena artistak gonbit egiten digu atari zabalean egin duen museoa ezagutzera. Leku honetan, euskal mitologia biziberritu egiten da zuraren bitartez. Santxotenak era askotako pertsonaiak lantzen ditu eta denak daude paisaiak eskaintzen dizkigun berdetasun mota ororekin ederki uztartuak.

Santxotena museoa Arizkun izeneko herrian dago, Nafarroako iparraldean, Baztanen. Bazter horietan badira sorginei buruzko elezahar aunitz, bereziki hurbil dauden Zugarramurdiko leizeen inguruan. Halaber, badira Dantxarineatik sartu eta Donejakue bidearen Baztango ibilbidea hartzen zuten erromesen kontakizun zaharrak.

Atari zabaleko eskultura museoa da eta Xabier Santxotena artista arizkundarrak etnografian eta kulturan egindako ikerlanak daude ikusgai. 31.000 metro koadroko azaleran, lanak berezko agertoki ederrean jarrita daude eta esan daiteke natura eta artelanak ederki uztarturik daudela, bat eginik. Frantziara Izpegiko mendatean barna doan NA-2600 errepidearen ondoan dago inguru hori. Artista organizista honek zura naturatik hartu eta arte bilakatzen du bere eskulturen bidez.

Oinez egiteko moduko zirkuituak bordaz borda gidatuko zaitu eta minusbaliatuentzako moldatua dago. Pirinioetako artzainak bizi eta aterpetzeko eraikuntzak dira bordak eta, hemen berreginak daude Santxotenaren zurezko tailuak gordetzeko. Gaiari dagokionez, nagusiki euskal mitologiari lotua dago.

Ibilbidean ere kanpoaldeko eskulturez gozatzeko parada izanen duzu, hego-ekialdean jostari dabilen errekaren hotsa entzuten duzun bitartean.

Kokapena

Oharrak

  • Errotulazioak eta gida, braillean eskuragarri dauden eskulturei buruzko informazioa duena.
  • Museoko eskulturek QR dute, eskultorearen beraren azalpenekin, gaztelaniaz, euskaraz, frantsesez eta ingelesez.

Ordutegi, data eta prezio orientagarriak. Entitate arduradunarekin baieztatzea aholkatzen da