Aviso Aviso
Koronabirusari aurre egiteko pixkanaka hartzen ari diren neurriak direla eta, programatutako ekintza eta jarduera asko aldatu edo bertan behera uzten ari dira. Beraz, atarian argitaratutako edozein eduki egiaztatzea gomendatzen dugu.
KoronabirusaNafarroa-ri buruzko azken berriak jarrai ditzakezu web atari honetan: http://koronabirusa.nafarroa.eus

Hegaztiei behatzea Nafarroan

Habitats


Pagadi-izeidia

Ohar orokorrak

Mendiko baso mistoa, batez ere pagoek (Fagus sylvatica) eta izei zuriek (Abies alba) osatuta.

Pirinioetan, iparraldeko isurialdearen ezaugarri da baso mota hori; Nafarroan Pirinioetako aldean hedatzen da, baita Pirinioaurreko mendietako batzuetan ere, betiere ipar-ekialdera. 700 eta 1.700 metro bitarteko altueran hazten da. Pagadi-izeidi ederrak daude Irati, Abodi eta Belagua aldean.

Hariztiak baino askoz ere homogeneoagoak diren basoak badira ere, harizti hutsak baino egitura-konplexutasun handiagoa dute, hain zuzen ere, euren oinarria bi espeziek osatuta egoteagatik. Inguruko oihanpea ez da oso sarria izaten, eta haginek, zumarrek, basagurbeek eta astigarrek osatze dute.

Hegazti-fauna

Pagadi-izeidia pagadi hutsa baino erosoagoa da hegaztientzat. Dentsitatea 65 hegazti/10 ha ingurukoa izateak hori erakusten du.

Bertako ezaugarri dira honako espezie hauek: pagausoa, okil beltza, okil gibelnabarra, okil handia, kuku europarra, txepetxa, txantxangorria, zozo arrunta, birigarro arrunta, garraztarroa, txinbo kaskabeltza, erregetxo bekainzuria, mendi-erregetxoa, basoetako gerri-txoria, gerri-txori arrunta, garrapoa, amilotx mottoduna, pinu-kaskabeltza, eskinoso arrunta, gailupa eta txonta arrunta.

Harraparien artean nabarmentzekoak dira gabiraia eta zapelatz arrunta. Gauekoen artean, aldiz, ia esklusiboki ageri da urubia.

Zertxobait urriagoak dira oilagorra, mendi-txirriskila eta mokokerra.