Abiatu "Nafarroa efektu"rantz

Zergatik da perfektua Nafarroa motorzaleentzat?

1. 2001 kilometro errepide dituelako, eta, hemen gidatzen baduzu, askotariko alderdi ederrez gozatuko duzulako.
2. Herrialde txiki samarra izanik ere, paisaia oso ezberdinak disfrutatuko dituzulako. Paisaien dibertsitatea itzela da. Errege Bardea basamortua, Pirinioetako basoak, aintzirak, pareta bertikalez eta saiez beteriko arroilak, herri ikusgarriak, ehun urtetik gorako baserriak, Donejakue bideko herriak, naturaren erdi-erdian kokaturiko monasterioak...
3. Jatetxe, taberna eta ostatu ugari daudelako Nafarroa osoan, adeitasunez, hospitalitatez eta segurtasunez beteak, protokolo indardun guztiak betetzen baitituzte.
4. Nafarroan bapo jaten delako. Txingarretan egindako haragiak, barazki apartak, gaztak, ardo ona... Janari tradizionala, hatzak miazkatzeko modukoa, baita plater berritzaile ederrak ere.
5. Nafarroak historia luzea duelako; erresuma izan zen XVI. mendera arte, eta Donejakue bidearen sarbidea da Espainian, besteak beste.
6. Eta, azkenik, Espainiako iparraldeko zirkuitu hoberena duelako: Nafarroako zirkuitua, Los Arcosen.

Konbentzitu zaitugu? ;)

Motor guztietarako 10 bide

Baina, gurpil gainean disfrutatzen dutenentzat, benetan gustagarria dena gure herrialdeko asfaltozko bideak dira. Bide bihurriak, gailurretaraino eta mendateetaraino heltzen direnak; zuzengune luze-luzeak, lur lau zabalen artean zeruertzera abiatzen direnak; eta geltoki ederrak diren begiratokiez hornitutako bideak, leku paregabeak oparitzen dizkizutenak.

Zuk denbora ez galtzeko, 10 bide prestatu dizkizugu:

1. Bakailaoa (185 km)

Berotu motorra A-15ean, eta gozatu mendi paisaiez Lizarrustiko bihurgunetan, Aralar parke naturalaz eta Urbasa mendiaz harago.

2. Haurtxoa (171 km)

Iparraldetik goaz, "Nafarroako Suitza" izendatu duten partetik: hariztiak, aziendak bazkatzeko larreak, eta eskualdeak berezko duen landa arkitekturako baserriak.

3. Tximeleta begizta (187 km)

Nafarroako hego-ekialdetik goaz, malda txikiko mendateetatik, Esa urtegiaren inguruan, eta Foru Komunitateko herri garrantzitsuetako batzuetatik igaroko gara, bide azkar eta eroso batetik, Iruñean bukatu arte.

4. Ahatea (224 km)

Nafarroako ipar-ekialdetik goaz, mendi garaietatik, pagadien, pinudien eta belardi alpinoen artean eta, azken tartean, Ebroren ibaiadar piriniotarretako arroilen eta haitzarteen ondoan.

5. Marrazoa (201 km)

Belatetik goaz, Pirinioetako atetik, eta itsasoraino jaitsiko gara sigi-saga eginez, gero mendira itzultzeko, eta Iruñean bukatuko dugu.

6. Hostoa (200 km)

Nafarroako hego-ekialdetik goaz, Erdi Aroko gaztelu eta herrien ondoan. Tarte batzuetan Nafarroako Ubidearekin paralelo goaz, malda gutxiko tokiko errepideetatik, eta Iruñean bukatuko dugu.

7. Tximeleta (226 km)

Etxauri mendatetik, Estellerriko mahatsondoen eta olibondoen artean, herri historikoetatik igaroko gara, Donejakue bideak Nafarroan duen azken tartean.

8. Elvis bizirik (195 km)

Bi Nafarroen mugaldetik goaz, Baztango muino berde izurtuetatik Nafarroako Pirinio Zentraleko gailurretara, eta hortik mugaz bestaldeko Baigorrira.

9. Krokodiloa (100 km)

Mendi bide laburra, Nafarroaren zati aldapatsu, oihantsu eta berde batetik, Pirinioen mendipean.

10. Osasuna herriaren gidari (307 km)

Nafarroako Erriberako ordokietatik goaz, zuzengune luzeetatik, paisaia zabalen eta herri historikoen ondoan.

EGIN BIDE GUZTI-GUZTIAK

Nafarroako Zirkuitua

Nafarroako Zirkuitua: Los Arcos

Bertan, zuk nahi duzuna bezalakoa bilatzen duten pertsonekin bildu eta denbora pasa dezakezu. Eta zer da hori? Ba, erabateko zoriontasuna bi edo lau gurpilen gainean.

3.933 metro ditu, eta 6 bihurgune ezkerraldera eta 9 eskuinaldera, benetako adrenalina sentitzeko. Ihesbideak dituen ibilbidea, autoetarako, motorretarako eta F1eko bolidoetarako diseinatutakoa.

Turismo handiak, kirol-gidatzea, drifting-a, karting-a, gidatzea txandatan eta egun jakin batzuetan, off road-a, lehiaketako probak... Esperientzia ahaztezinak ibilbide moderno, ausart eta seguru batetik gidatzeko.

Los Arcosko Zirkuituko adrenalina

Nafarroa efektuaz hobeki gozatzen da gurpil gainean… eta seguru joanda

Baina bidaiatu modu seguruenean, Nafarroak erakunde ofizialek ezarritako arau guztiak errespetatzen baititu. Ostatuak, tabernak eta jatetxeak… Ibilgailuak edonora eraman zaitzake, baina leku horiek behar bezala babestuak eta zu hartzeko prest egonen dira beti.

Errepidera!