Ezagutzen al du zure familiak
"Nafarroa efektua"?

Hemen hasten da berrelkartzea

Atzean utziko ditugu zarata, hiriko kutsadura, masifikazioak eta industria paisaiak.

Nafarroara iritsi orduko, aurrera begiratu eta heltzear dagoenari zaporea hartzen hasiko zarete.

Argi izpiak basati sartzen dira zuen landetxetxotik kilometro gutxi batzuetara dagoen basoan, dela Baztan ibarrean, Zaraitzun edo Leitzaranen, adibidez. Berdin da: destinoa zeinahi ere den, berrelkartzearen gauak Nafarroako erara pasatzeko aukeratu duzuen lekua da.

Hemen daude giro natural batek inguratzen dituen landetxeak, zuon ohiko etxebizitza erabat ahantzaraziko dizuen giroak, hain zuzen. Hemen dago behar duzuen guzti-guztia:

• Instalazio garbi-garbiak: izara garbiak dituzten ohe erosoak, egongela, komunak, sukaldea eta portxea, non eguneko planez hitz egiten ahalko duzuen.
• Natura norabide guztietan: iparraldea, hegoaldea, ekialdea eta mendebaldea... Edonora begiratuta ere, han dago beti Ama Lurra.
• Animaliak: bitxia izanen da egunen batean ez baduzue ikusten zaldirik, poneyrik, ardirik eta behirik, ezta oreinik ere.

Dagoeneko senti dezakezue lasaitasuna

Izan ere, Nafarroa bakea eta baretasuna da. Baita natura eta paisaia asko ere.

Bada ibaiak, baserri handiak, landarez beteriko basoak, larreak eta herri bereziak, adibidez, Elizondo, Zugarramurdi, Otsagabia, Erronkari, Iraizotz edo Gares, gazteak zein zaharrak liluratzen dituztenak.

Bada postaletan agertzeko moduko paisaiak, ipuinetako istorioak eta landaredi joria; eta horrek guztiak badu bere identitate zigilu berezia.

Bururatzen al zaizue destino hoberik familiaren kanpamentu nagusia finkatzeko?

Zorioneko gaztaroa

Gauza gutxi daude munduan, haurrentzat pozgarriagoak direnak abentura eta aisia parke batean egun oso bat ematea baino.

Eta, gainera, parkean baldin badaude helduentzako espazioak, jatetxeak eta familia osoak gozatzeko jarduerak, askoz hobeki, ezta?

Sendaviva eta IrriSarri Land: bi aukera, baina helburu bakarra.

Familiaren sartu-irtenak natura sakonenean

Nafarroa natura da. Gure identitatea estu lotua dago Ama Lurrari. Hona hemen adierazgarri bat:

Gazteluak eta jauregiak

Nafarroara bidaiatuko baduzu, zer gutxiago denboran atzera ere bidaiatzea baino, ezta?

Probintziako hegoalderantz abiatuta, latitude txikiago batera heltzeaz gain, Erdi Aroan murgilduko zarete. Erdi Aroaren kutsua aurkituko duzue gure ondareko berebiziko egituretako bitan: Erriberriko jauregia eta Xabierko gaztelua.

Liluragarriak eta itzelak dira, aldi berean.

Nafarroako natura amaigabea da; hau lagin txiki bat baino ez da.
Zuon familia nolanahi ere den, ehunka kilometro karratu dituzue aukeratzeko, horietan ibili, korrika egin, animaliak ikusi, eguzkitan etzan edo belarrean eserita otordu zoragarria egiteko.

Nafarroa segurua da

Gozatu bidaia honetan esperientzia onenez… ingurune seguruenean.

Izan ere, Nafarroak betetzen ditu erakunde ofizialek higienearen eta segurtasunaren arloetan ezarritako neurriak. Zer gutxiago gure etxean jarritako konfiantza eskertzeko, ezta?

Hori guztia (eta askoz gehiago ere bai) da "Nafarroa efektua".

Familiak gure ohiko zapitxoa janzteko unea da!