Mapa eta bilatzea

Orreaga/Roncesvalles

Camino de Santiago
Herriak

Multimedia

Orreaga/Roncesvalles - Orreaga-Roncesvalles
icono pie de fotoOrreaga-Roncesvalles
Orreaga/Roncesvalles - Orreaga-Roncesvalles
icono pie de fotoOrreaga-Roncesvalles
Orreaga/Roncesvalles - Iglesia colegial
icono pie de fotoIglesia colegial
Orreaga/Roncesvalles - Vidriera Batalla Navas de Tolosa
icono pie de fotoVidriera Batalla Navas de Tolosa
Argazki guztiak ikusi

Eguraldia
Orreaga-Roncesvalles
Karlomagnoren porrota handiak eta Donejakue bideak egin zuten gogoangarri Orreaga, hots, ibiltarien eta erromesen aterpea, elezaharren habia eta kulturen topalekua. Kolegiata Ibañetako mendatearen berokian eraikia dago eta bere horma sendoek negu gorritik babestuko zaituzte eta, aldi berean, batailaz zein mitoz beteriko mundura eramanen dute zure gogoa.

Historiak eta elezaharrak bat egiten duten pasabidea da Orreaga, Nafarroako Pirinioetako oihan ikusgarriz inguratutako leku ederra. Erromes gehienek mila hektarea inguru dituen toki hau aukeratzen dute, Espainiako Donejakue bideari ekiteko.

Erdi Aroko arkitekturaren adibide bikaina da Orreagako Kolegiataren monumentu-multzoa, mitoaren lurraldea esanen genuke. Lehenago, erromesentzako ospitalea izan zen eta han dago errege Antso VII.a Azkarraren hilobia.

Mendebaldeko Pirinioetako mendi tontorrak gorantz hasten diren inguruan, Aurizko ordoki zabaletik hurbil eta Ibañetako mendatearen oinean, hantxe dago zutik Orreaga. Pirinioetako pasabide naturala da eta hantxe gertatu zen, hain zuzen ere, Orreagako Bataila (778), hots, frankoen armadaren porrotik mingarrienetako bat. Batailan hilik gertatu zen Frantziako zaldun hoberena -Errolan- eta Karlomagnok negar egin zuen haren heriotzaren berri jakin zuenean.

Pagadiz, izeidiz eta hariztiz jantzitako inguruan, handi eta dotore agertzen zaigu Orreagako Andre Mariaren Kolegiata. Lehenago, erromesentzako ospitalea izan zen eta, zalantzarik gabe, Donejakue bidearen lekurik ezagunenetakoa da.

Kolegiata XII. mendearen eta XIII.aren hasieran eraiki zuten. Sarrerako zelaiak Priore Etxera eta Liburutegi Museora eramanen gaitu eta, gero, ganga murriztuko tunel txiki baten bidez, eraikuntza nagusietara iritsiko gara.

Andre Mariaren kolegio-eliza zaharberritua 1219an sagaratu zuten. Frantziako gotikoari jarraiki egina dago eta XIV. mendeko dorre bat du defentsarako. Aldare nagusian Orreagako Andre Mariaren irudia dago (XIV). Zilarrez estalitako zurezko tailu gotikoa da eta, elezaharraren arabera, mirariz agertu zen. Zehazki, adarretan bi argi zituen orein batek gauez iragarri omen zuen agerpena.

Epistolaren aldetik klaustroan sartuko gara, XVII. mendean eraikia, elurte gaitz batek hasierako klaustro gotikoa bota baitzuen 1600ean. Handik, San Agustin kaperara ailegatuko gara eta horren erdian dago errege Antso VII.a azkarraren hilobia. Horra hor burualdean dauden mazoak eta kateak. Elezaharrak dioenez, erregeak Miramamolin mairuari kendu omen zizkion Navas de Tolosako guduketan (1212). Bataila hori ere elizako beirateetan kontatua dago. Kateak Nafarroako armarrian daude.

Eraikinik zaharrena Izpiritu Santuaren kapera da (XII), estilo erromanikoan egina eta Karlomagnoren siloa ere deitzen zaio. Eraikuntza kripta baten gainean dago eta kripta horrek kanoi-ganga du. Esaten dutenez, Errolanek bere ezpata hantxe iltzatu omen zuen porrotaren ondotik.

Inguru liluragarri honetan badira beste eraikuntza batzuk, esaterako: Donejakue eliza -erromesen eliza ere deitua-, eta eraikin zibilak, ospitale zaharra bezala (1802tik 1807ra eraikia), edo museo-liburutegia, XIX. mendearen bukaerakoa. Azken horretan ikusgai daude Orreagak mendez mende arteari begira gorde dituen altxorretako batzuk, esate baterako, Karlomagnoren xake jokoa. Urrezko filigranaz apaindutako zilarrezko erlikia-ontzi esmalteduna da, Erdi Aroko esmaltegintzaren lanik hoberenetakoa; Altxorraren Ama Birjina; edo zilarrezko ebanjelio-liburu erromanikoa. Han bertan aurkitu daitezke ere Benefiziodunen Etxea (XVIII), hotela bihurtuta, eta Itzandegia deitutako etxea. Azken hori hasierako ospitalea izan zen, bai eta -luzaroan- Ama Birjinaren lehen santutegia ere.

Kolegiata bisitatu ondoren, barneratu pagadi marduletan edo tontor altuenetako bazkalekuetan; edo ibili inguruko ibilbideetan. Horietako bat Basajaunberroko oihana (3,9 kilometrokoa). Seinalerik ez badago ere, aise eginen duzu Kalonjeen ibilbide ederra. 1,6 kilometro ditu, Itzandegia atzealdetik abiatzen da eta Donejakue bidetik itzuli.

Gainera, ezagutu inguru honek duen balio handietako bat: Idiazabal gazta, ardi esnez egindakoa. Kolegiatako dendan salgai dago, baina huraxe nola egiten den jakin nahi baduzu, bisitatu inguruko gaztandegiak eta ederki erakutsiko dizute.

Kokapena

Nola iritsi eta mugitu

Salir de Pamplona por la carretera de Huarte y enlazar con la PA-30 dirección Francia hasta el desvío a la derecha por la N-135 hacia Zubiri. Preste atención al citado cruce para no despistarse. Continuar después por dicha nacional sin desviarse hasta Orreaga/Roncesvalles.

Bisita gidatua

Deskripzioa: la visita al conjunto monumental de la Real Colegiata incluye claustro, Sala Capitular con la tumba del rey Sancho VII, museo, iglesia de Santiago y Silo de Carlomagno. Duración, 45 minutos aproximadamente.

* Se puede ver de forma individual (o con audioguía) el claustro y la sala capitular.

* Grupos, concertar con antelación.

Bisitaren prezioa:

  • Individual: 5 €.
  • Menores de 6 años, gratis.
  • Niños (6 a 12 años): 2,50 €.
  • Reducida (jubilados, estudiantes y familias numerosas): 4 €
  • Visita de forma individual, sólo Claustro y Sala Capitular, 2,50 €.

Enpresa kudeatzailea: Auria Orreaga, 948 790 480; auriaorreaga@gmail.com.

Zerbitzuak

  • Askaldegi
  • Bisita gidatuak
  • Interneta
  • Jatetxe / kafetegiak
  • Ostatu
  • Taberna
  • Turismo bulegoa

Wifi gunea: en los restaurantes: "Casa Sabina" (948 760 012) y "La Posada" (948 790 322).

Ordutegi, data eta prezio orientagarriak. Entitate arduradunarekin baieztatzea aholkatzen da

Inprimatzeko fitxa

Informazio praktikoa