Nafarroako edozein gainetara igoz gero, paisaia izugarri berdea gozatzeko parada izaten ahal dugu. Tontorrera heltzen denak airetik ezagutu ahalko du Nafarroa oinak lurretik altxatu gabe. Igoera anitz egiten ahal direnez ez da gutxi batzuentzako luxua. Bestalde, zailtasun maila erdiko mendi anitz dagoenez egoera fisiko normala duen edozein bisitari aritzen ahal da kirol honetan.

Mendian aritzeko lurralde nagusiak Aralar eta Urbasa mendiak dira, lurraldearen mendebaldean kokaturik, eta, zer esanik ez, Pirinioak .

Honako hauek dira tradizio handienetariko gailur batzuk:

Mendia	Abiapuntua	Igoeraren iraupena	Desnibela
Hiru Erregeen Mahaia (2.444 metro)	Mata de la Haya izeneko aparkalekua, 1370. errepidean, Belagua mendatea igo baino lehen	4,45 ordu.	1.444 metro
Orhi (2.019 metro)	Orhiko tuneletik, Otsagabia eta Larraine elkartzen dituen 2011. errepidetik	Ordubete	450 metro
Urkulu (1.419 metro)	Ibañetako mendatetik, N-135 errepidetik, Orreaga iraganik	2,20 ordu	362 metro
Adi (1.459 metro)	Urkiaga mendate gainetik, Eugitik Kintora doan N-138 errepidean	1,15 ordu	550 metro
Saioa (1.418 metro)	Belate mendatearen gainetik	2,10 ordu	570 metro
Mendaur (1.131 metro)	Aurtitzetik, Doneztebe eta Leitza lotzen dituen NA-170 errepidetik	2,30 ordu	960 metro
Beriain (1.494 metro)	Arbizun N-240 errepidea utzirik, lehenik, NA 7100 errepidea hartu behar da, jarraian, NA 702. Unanuko gainaldetik abiatu behar da.	2 ordu	844 metro
Irumugarrieta (1.430 metro)	Aralarko guardetxea. Lekunberritik abiaturik, Aralarko San Migel Santutegira igotzen den 7510. errepidetik heltzen da	2 ordu	395 metro
Ioar (1.414 metro)	Kodesko santutegitik. Bertara heltzeko, Iruña eta Logroño lotzen dituen A-12 autobidea hartu behar da. Los Arcosen Torres del Ríorako N111. errepidea hartu behar da, eta, jarraian, Kodeserako 7202 errepidea.	1,15 ordu.	600 metro

Mendia	Zailtasuna	Bitxikeriak
Hiru Erregeen Mahaia (2.444 metro)	Zailtasun maila ertaina izan arren, ibilbide gogorra eta luzea da, desnibel handia eta karst zabalak baitaude.	Pirinioetan kokaturik, Nafarroako mendirik altuena da. Izena hartu zuen antzinako hiru erresumen mugan egotetik (Aragoik, Biarnok eta Nafarroak muga dute bertan).
Orhi (2.019 metro)	Ertaina	Pirinioetako bi mila metro dituen lehenengo mendia da. Iratiko oihaneko gailurra da. Ikuspegi zoragarriak eta koloretsuak urtaro guztietan
Urkulu (1.419 metro)	Ertaina	Oso ezaguna da gailurrean erromatarren garaiko dorre-trofeo zirkularra baitu. Bertatik Pirinioak zeharkatzen dituzten bideak eta Orreagara heltzen den Donejakue bidea begiztatzen ahal dira
Adi (1.459 metro)	Ertaina	Biak Kintoko mendigune arrokatsuan daude. Pagadi ugari daude. Pirinioak ikusteko leku zoragarria. Iruñerriko mendiak ere begiztatzen ahal dira.
Saioa (1.418 metro)	Ertaina
Mendaur (1.131 metro)	Ertaina	Bidasoa ibarra ikusteko talaia bikaina. Gainean baseliza bat dagoenez erraz aurki daiteke.
Beriain (1.494 metro)	Ertaina	Urbasa-Andia parke naturalean dago. Aralar begiztatzeko bista zoragarriak. San Donato izena du, gainean izen bereko baseliza bat baitago, Nafarroako altuena.
Irumugarrieta (1.430 metro)	Ertaina	Aralar mendikate osoa zeharkatu behar da. Irumugarrietako gailur lirainerako bidean pagadi zoragarriak, aztarna megalitiko, eta txoko xarmangarriak ikusten ahal dira.
Ioar (1.414 metro)	Ertaina	Kodes mendateko mendi honetan Lizarraldea ederki ikusten ahal da, baita Errioxa eta Araba ere.

Informazio erabilgarria