Ehiza eta arrantza
Pirinioak ametsetako mendiak dira ehiza larrian eta arrantzan aritzea gogoko dutenentzat.
Nafarroako iparraldean ehizatzeko antzinako moduek diraute. Etxalarren, esaterako, usoa sareekin ehiztatzeko ohitura XV. mendetik dator. Usoak iragaten diren naturguneetan kokatzen diren dorre altuetatik, zelatariek harrapakari itxura duten paleta batzuk jaurtikitzen dituzte usoak jaitsarazteko, eta, horrela, sareetan harrapatzeko. Urrian eta azaroan bisita gidatuak eskaintzen dira ehizatzeko sistema bitxi hau azaltzeko.
Udazkenean uso, birigarro eta oilagorrak ehizatzen dira gehienbat, irailetik otsailera, berriz, basurde, orein, orkatz eta adarzabalak.
Arrantzari dagokionez, Pirinioetako ibaietan amuarrain ugari aurkitzeaz gainera, erreketara jotzen ahal du zaletuak, Bidasoara, esaterako, izokinaren arrantzan aritzeko.
Nafarroako Pirinioetan ehizan eta arrantzan aritzeko aukera anitz dago. Komeni da federazioetara jotzea, barrutien kokapena eta ezaugarrien gaineko informazioa eskaintzen baitute, baita baimendutako harrapaketen kopuruaren eta beren tamainaren gainekoa ere.
Informazio erabilgarria
