Nafarroako erresuma. Lur anitza

Mapa interaktiboa

Ikusi Nafarroaren kokapen mapa

• Deitu bezeroari laguntzeko telefonora (848 420 420), gurekin harremanetan jarri nahi izanez gero.
• Multimedia
• Turismo buletina

2012

Iruña bi gurpilen gainean

Iruña beste modu batez ezagun dezazun, 4 bide eskaintzen dizkizugu bizikletaz egiteko.

Hartu kaskoa eta bizikleta, edo alokatu bat, eta Iruña ezagutu pedalei eragin bitartean, bizikletaz ibiltzeko moduko 4 bidetan zehar; bide tematikoak dira, eta hiriko leku interesgarrienetan barna doaz.

“Harresiak eta Ziudadela” da lehena, eta Iruñeko defentsa-perimetroari jarraitzeko aukera emanen dizu horrek; harresiak, bastioiak eta Ziudadelako harresien barneko lorategi ederra ikusiko dituzu. “Argako ibai-parkea” da bigarrena; ura, landareak eta historia nahasten dira Nafarroako ibai horren ertzetik doan bidean, honako hauek guztiak ikusteko parada izateaz gainera: zubi historikoak, presak, errotak, zaldainak, lorategiak, ontziralekuak, merenderoak eta baratzeak. “Alde Zaharra” da hirugarrena; horretan Erdi Aroko eliza nagusiak, nobleen jauregiak, museoak, plazak, eta bazter ederrak –besteak beste, Zaldi Zuria– ezagutzeko aukera izanen duzu. Eta laugarrena, “Donejakue Bidea” da; erromesek Arga ibaia Magdalenako Erdi Aroko zubitik zeharkatzen dutenetik Alde Zaharreko karrika harritsuetaraino egiten duten ohiko ibilbidean barna doa.

Guztira, 36 kilometro baino gehixeago, doako foiletoetan bilduta daudenak; bideei buruzko planoak eta datu praktikoak dituzte, baita gomendatutako zenbait geraleku ere, Iruñeko izaera bertatik bertara miresteko. Artea ezagutu kirol “bizi-bizia” eginez, eta bat egin "Pamplona Nbici" ekimenaren izaerarekin.

Informazio osagarria:
Zer? 1. bidea: Harresiak eta Ziudadela
Distantzia, guztira: 7,77 km.
Zailtasun maila: Txikia
Abiapuntua: Zezen-plazako ‘nbici’ geltokia.
Helmuga: Gaztelugibelako ‘nbici’ geltokia.

Zer? 2. bidea: Argako ibai-parkea.
Distantzia, guztira: 13,84 km.
Zailtasun maila: Ertaina
Abiapuntua: Zezen-plazako ‘nbici’ geltokia.
Helmuga: Nafarroako Unibertsitatea (CIMA) ‘nbici’ geltokia

Zer? 3. bidea: Alde Zaharra
Distantzia, guztira: 6,54 km.
Zailtasun maila: Txikia
Abiapuntua: Zezen-plazako ‘nbici’ geltokia.
Helmuga: Zezen-plazako ‘nbici’ geltokia.

Zer? 4. bidea: Donejakue Bidea
Distantzia, guztira: 8,21 km.
Zailtasun maila: Ertaina
Abiapuntua: Zezen-plazako ‘nbici’ geltokia.
Helmuga: Nafarroako Unibertsitatea (CIMA) ‘nbici’ geltokia

Gomendioak: Eraman arropa egokia, baita kaskoa ere. ‘nbici’ zerbitzuko bizikletak aloka daitezke zerbitzuan alta emanda izanez gero.

<< Itzuli