Antolatu bidaia

Irati-Abodi

Birding klubari atxikiak
Interes ornitologikoko eremuak

Multimedia

Rio Urbeltza (Irati) y hayedo-abetal
Rio Urbeltza (Irati) y hayedo-abetal
Urbeltza erreka (Irati) eta pagadi-izeidia
Iratiko oihana Zaraitzu eta Aezkoa ibarretako udalerriena da. Irati ibaiaren burua da, eta hori elikatzen duten haran sakonak nahiz inguruko mendiak ere; horien artean, Abodi mendia gailentzen da, sortaldetik sartaldera orientatua eta 1.537 metroko garaiera duena, itsasoaren mailaren gainetik. Azalera osoa nahiko helduak diren zuhaitzez (pagadiak eta pagadi-izeidiak) estalita dago ia erabat. Zonalde garaietan soilguneak eta mendi bazkalekuak nabarmentzen dira.
Bi Harrera Eremu daude: Arrazolakoa, Orbaitzetatik sartuta, eta Elurretako Ama Birjinakoa, Otsagabitik sartuta.

Eremu hori Batasuneko Interes Lekuaren barnean dago. Halaber, "Orreaga-Iratiko oihana" ZEPAren barnean dago. Azkeneko horren barnean "Mendilatz" Natur Erreserba eta "Lizardoia" Erreserba Integrala daude.

Habitatak
Pagadia, pagadi-izeidia eta mendi-larrea.

Bertan ikus daitezkeen hegaztiak
- Egoiliarrak: ugatza, sai arrea, arrano beltza, urubia, oilagorra, okil berde iberiarra, okil beltza, okil handia, okil gibelnabarra, buztanikara horia, ur-zozoa, txepetxa, tuntun arrunta, txantxangorria, zozo arrunta, birigarro arrunta, garraztarroa, erregetxo bekainzuria, mendi-erregetxoa, buztanluzea, kaskabeltz txikia, amilotx mottoduna, pinu-kaskabeltza, amilotx urdina, kaskabeltz handia, garrapoa, basoetako gerri-txoria, gerri-txori arrunta, eskinosoa, belabeltza, erroia, txonta arrunta, txoka arrunta, mendi-txirriskila, gailupa, mendi-berdantza.
- Udatiarrak: kuku europarra, sorbeltz arrunta, hegatxabal arrunta, mendi-txirta, txinbo kaskabeltza.
- Negutiarrak: birigarro txikia, tarina, mokolodia, elur-txonta.
- Paseko hegaztiak: ubarroi handia, lertxun hauskara, amiamoko beltza, amiamoko zuria, antzara hankagorrizta, liztorjale arrunta, miru beltza, miru gorria, sai zuria, arrano sugezalea, mendebaldeko zingira-mirotza, mirotz zuria, mirotz urdina, aztore arrunta, gabirai arrunta, zapelatz arrunta, arrano txikia, arrano arrantzalea, belatz txikia, zuhaitz-belatza, belatz handia, kurrilo arrunta, hegabera, txirri lepokoduna, txoloma, pagausoa, usapala, zingira-hontza, argi-oilarra, uhalde-enara, enara arrunta, enara azpizuria, negu-txirta, pitxartxar nabarra, zozo paparzuria, durdula, euli-txori beltza, urretxoria, araba zozo pikarta.

Behatzeko puntu gomendatuak
- Osabaren Gurutzeko zirkuitua, Abodin (7,5 km)
- Taplako gaina eta SL-NA 68 bidea "Abodiko gainak" (6 km).
- SL-NA 62A bidea, "Urbeltza errekaren bidexka" (3,3 km).
- SL-NA 54C bidea, "Los Paraísos-Erlan" (4,6 km).
- SL-NA 51C bidea, "Azalegi" (6,4 km).

Nola iritsi eta mugitu

- Iratiko mendebala: Iruñetik NA-135 errepidetik, Auritz herrira iritsi baino lehen NA-140 errepidea hartuz. Ariben NA-2030 errepidea hartu, Orbaitzeta pasatu eta Larraunen eskuinaldeko pista hartu, Irati aldera, Arrazolako Harrera Eremura iritsi arte. - Iratiko ekialdea: Iruñetik Irunberrira N-240 errepidetik, gero NA-178 errepidea hartu Ezkarozeraino igoz eta hortik Otsagabira NA-140 errepidetik eta gero NA-2012 errepidera. - Abodi aldea: Iruñetik Otsagabira berdin; Otsagabin jarraitu NA-140 errepidetik eta 8 km inguru geroago hartu ezkerraldera doan NA-2011 errepidea Pikatua izeneko lekuraino.

Ordutegi, data eta prezio orientagarriak. Entitate arduradunarekin baieztatzea aholkatzen da