Hemen aurkituko dituzu ezagutu beharreko leku guztiak, eta, era berean, jarduera eta esperientzia batzuei buruzko zenbait iradokizun ere bai, Nafarroaz ahalik eta gehiena goza dezazun.
XVII. mendeko fatxada churrigueresco ederra, zur landuan egindako teilatu-hegats ikusgarria eta Mexikoko nahiz Peruko arte kolonial amerikarraren apainketa xehetasun batzuk dira Ongai-Vallesantoro jauregiaren gauzarik adierazgarrienak. Gaur egun, Zangozako kultur etxea da. Herri hori Nafarroako Erdialdean dago.
Estilo barrokoari jarraiki egina, eraikin noble honek hiru solairu ditu. Fatxada sinpletasun handikoa da eta ataria ezinago ederragoa. Pausatu begiak hainbat minutuz atari horretan eta saia zaitez apaingarrien artean sirenak, horma-besoak eta animalia fantastikoak aurkitzen. Denboraz ongi bazabiltza, sar zaitez jauregian eta ibili barneko eskaileran. Eskailerak balaustrada oparoa du eta hainbat zutaberen gainean bermatua dago.
Zangozako Alfontso Borrokalariaren kalean kokatua, Ongai-Vallesantoro jauregia eraikin barrokoa da, XVII. mendearen bukaeran egina. Aspaldian, Vallesantoroko markesen egoitza izan zen. Zangoza Nafarroako Erdialdean dago.
Jauregia eraikitzeko teknikari erreparatuta, beheko solairua silarrizkoa da eta gaineko solairuak, berriz, adreiluzkoak. Eraikinaren alderik gorenean teilatu-hegal ikusgarria dago, familiaren boterearen eta garrantziaren erakusgarri. Beraz, beheko solairua sendotasun handikoa da. Eraikitzeko modu hori Zangoza osora zabaldu zen 1787ko uholdeek hiria errotik hondatu ondoren. Izan ere, ohartu ziren ezaugarri horretako etxeek soilik egin ziotela aurre uren oldarrari.
Vallesantoro jauregiak hiru solairu ditu. Era berean, sinpletasun handiko fatxada churriguerescoa du eta edertasun handiko atari buruduna ere bai. Atarian salomondar zutabeak ageri dira, bai eta eguzki eta sirena itxurako apaingarriak ere. Goiko solairuetan bina balkoi daude, balaustradadunak, horma-besoen gainean. Begiratu arretaz familiaren armarri ikusgarria, zutabeen artean landutakoa. Horren gainean frontoi triangeluarra dago.
Barrokismoarekin batera, Mexikoko eta Peruko arte kolonialaren apaingarri batzuk ere ageri dira eraikinean. Fatxadaren buruan Nafarroako teilatu-hegal ikusgarrienetakoa dago, zurezkoa. Zur ilun horretatik 13 irtenune ateratzen dira eta hainbat gauza irudikatzen dituzte: animalia fantastikoak giza buruak harrapatzen ari direla, loreak, fruta exotikoak, indiarrak eta irudi groteskoak, zugan zirrara handia sortuko dutenak.
Denboraz ongi bazabiltza, sar zaitez jauregian eta ibili barneko eskaileran. Eskailerak balaustrada oparoa du eta hainbat zutaberen gainean bermatua dago. Zutabe ildaskatuak, bihurrikatuak eta salomondarrak dira eta kapitelak, berriz, doriarrak eta joniarrak. Litekeena da barnealdean kultur jardueraren bat aurkitzea, kultur etxearen egoitza baita. Horregatik, jauregi barnean kultur etxearen programazioaren zati bat egiten da urte osoan. Gainera, Cultur programaren ohiko egoitzetako bat da.
Horario habitual: de martes a viernes, de 9:30 a 14:00 y de 18:00 a 21:00. Sábados, de 11:30 a 14:00 y de 19:00 a 21:00. Domingos y festivos, de 12:00 a 14:00. Este horario puede variar en función de las actividades programadas.
Otoño:
Horario habitual: de martes a sábados, de 09:30 a 14:00 y de 18:00 a 21:00. Domingos y festivos, de 12:00 a 14:00. Este horario puede variar en función de las actividades programadas.
PREZIOAK
Oharrak: entrada gratuita.
Bisita gidatua
Deskripzioa:
consultar con Sangüesa Tour (620110581).
Ordutegi, data eta prezio orientagarriak. Entitate arduradunarekin baieztatzea aholkatzen da
Ongai-Vallesantoro Jauregia
