Antolatu bidaia

Allozko urtegia

Lakuak eta urtegiak

Eguraldia

Allozko urtegia
Allozko urtegia urez beteriko itsasoa da, Salado ibaiak elikatua, eta erkameztiak, larreak, sasiak eta pinuak ditu inguruan. Eremu bikaina edozein urtarotarako, baina bereziki udarako. Lekune natural honetan gauza asko egiteko aukera dago: bere ur urdinetan bainua hartzea, zuhaitz baten azpian atsedena hartzea edo Robinson Crusoe bezala sentitzea, ontzi batean urtegia zeharkatuta.

Lizarratik 12 kilometro ipar-ekialdera, Deierri eta Gesalatz udalerrien artean, Allozko urtegia dago, hau da, Salado errekak elikatutako ur itsasoa, erkametzez, bazkalekuz, sastrakaz eta pinuz inguraturik. Leku zoragarria da ur kirolez gozatzeko, bainatzeko edo, besterik gabe, lasaitzeko.

1930ean eraikia, 930 hektareako azalera du eta 84 Hm3 ur gordetzeko edukiera.Urdin turkesa koloreko eszenatoki horretara hurbiltzen dira turistak eta inguruko biztanleak urtegian eta horren inguruan egin daitezkeen jardueretako bat egiteko. Urtaro bakoitzak Allozko urtegiaren alde berri bat erakusten dio bisitariari.

Udaberrian eta udan, oso toki egokia izaten da belan aritzeko, eta "bataio" bat egin daiteke, edo kirola praktikatu; esperientzia izanez gero, piraguak, windsurf taulak eta belauntzi txikiak alokatzen ahal dira. Aritzaleku kanpina, Leraten, erreferentzia gunea da jarduera horiek eta beste batzuk egiteko.

Surfa da ohikoa den beste kirol bat. Izan ere, Allozko urtegian oso maiz ibiltzen dira hiru eta lau indarreko haizeak, oso aproposak surfa eta windsurfa egiteko.
Halaber, arrantzaleek ere lekune natural hori aukeratu, eta, zehazki urtegiaren atzealdean, amuarrainak, barboak eta zamoak harrapatzen dituzte.

Beste aukera interesgarri bat da mendi-ibiliak egitea; urtegia inguratzeko aukera dago, edota ibilbidea egin dezakezu Deierri eta Gesalatz ibarretan barna, mendixka leunez eta nekazaritzan nahiz abeltzaintzan aritzen diren herri txikiz beteriko bazterrak baitira. Udazkena da ibar horiek bisitatzeko sasoirik hoberena, zainzuri-landare haziek eta mahastiek hainbat kolorez janzten dituztelako bazter horiek guztiak. Beste aukera bat da pista batean barna Iturgoien herrira joatea Trinitate Sanduko baselizaraino igotzeko. Handik ikuspegi zoragarria gozatuko duzu.

Oso hurbil, Allotz eta Lakar (ospea du bertako upeldegiakdirela-eta) batzen dituen errepidean Deierriko beste harribitxi bat dago, Egiarteko Santa Maria eliza. Eliza erromanikoa da hori, itxura lerdena duena. Eta misterioz, enigmez eta magiaz beteriko eraikina da...
[+ ikusi fitxa osoa]

Kokapena

PREZIOAK

Precio entrada: 2,50 €

Oharrak: tasa de aparcamiento, de principios de junio a principios de septiembre.

Oharrak

la zona de aparcamiento cuenta con baño, duchas y merenderos.

Ordutegi, data eta prezio orientagarriak. Entitate arduradunarekin baieztatzea aholkatzen da