Antolatu bidaia

Tarazonicaren Natur Bidea

Bide berdeak

Eguraldia


Natur bideek, antzinako trenbideei jarraitzen dizkieten bideek, eskualde bateko paisaia eta kultura ikusi, sentitu eta gozatzeko aukera desberdina ematen dute. Tarazonicaren Natur Bidea oinezkoendako eta bizikletendako egokitua dago. Tutera hiri monumentalean hasten da, Nafarroako hegoaldean, alegia, eta 22 kilometro egiten ditu bide leun eta atseginetik.

Ebro ibaiaren baratzeetara eramaten gaitu, baita Moncayo mendi handira ere. Moncayo Aragoiko lurretan dago, eta gailurretik (2.315 metro) lautada menderatu eta gure aurrerapausoak zaintzen ditu, urrutitik, ibilbidearen jomuga den Tarazona herri interesgarrira iritsi arte.

Nafarroako hegoaldean, Erriberan, Tarazonicaren Natur Bidea dago, Tutera(Nafarroa) eta Tarazona (Zaragoza) lotzen zituen antzinako trenbidetik doana. Bidea erabat egokitua eta seinaleztatua dago oinezkoentzat zein bizikletentzat, eta erraz-erraza da egitea. Malda leun-leuneko paisaia gozatuko duzu bidean: Queiles ibaiaren inguruko lurrak, labore ureztatuetako ibarrak eta Moncayo mendiaren azpiko lurrak.

Tutera eta Tarazona lotzen zituen bide estuko tren xume hori 1885. urtean hasi zen ibiltzen. Motel-motel zihoanez, izengoiti xelebrea jarri zioten: "Escachamatas" . 1953. urtean errailak zabaldu ziren, zerbitzua hobetze aldera, baina gero eta gutxiago erabiltzen hasiko zen laster, eta 1972. urtean itxi zen behin betikoz.

Tutera - Murchante (0 km - 6,1 km)

Bidea Tuterako trenbide geltokian hasten da. Erriberako hiriburua atzean utzi aurretik, plaza bat aurkituko duzu; bertan, tren-makina ikusgarria dago, lurrun bidez ibiltzen zena. Baratzez betetako paisaia nagusituko da hasiera-hasieratik. Queiles eta Ebro ibaien ibarretako baratzak dira.

3,3 kilometroan, landa bide bat agertuko da. Bide estuko trena zenean, hortik joaten zen Tarazonica trena. Atseden gune txiki bat ere dago hor, baita monumentu bitxi bat ere: "Escachamatas", trenbide materialekin egina. Ablitaseko errepidearen gaineko zaldain berria gaindituta, natur bideak Lodosako ubideko urak zeharkatzen ditu. Ubidearen beste aldetik, tarte zuzena abiatzen da, Moncayo mendi dotorera begira doana. Autopista azpitik jo eta gero, Murchanteko geltokira eramango gaitu bideak. Atseden hartzeko toki ezin hobea.

Murchante - Cascante (6,1 km - 10 km)

7 kilometroan, Urzante herrixkaren aurriak jartzen dizkigu ikusgai bideak. Hortik gutxira, 8 kilometroan, maldan gora hasten da bidea, Cascanteraino iritsi arte. Cascante villa erromatarra izan zen antzina. Monumentu nagusia Erromeroaren Ama Birjinaren ermita da. Bertako geltokiak atseden gunea du.

Cascante - Tulebras (9,8 km - 11,9 km)

Natur bidea Tulebraseraino doa. Tarte labur horretan, almendrondoak eta baratzeak izango ditu lagun bidaiariak, Tulebrasko monasteriora heldu arte. Monasterioa XIII. eta XIV. mendeetakoa da, eta emakumezkoek osatutako lehenengo monasterio zistertarra izan zen Espainian. Komentuari bisita egin eta gero, olgeta gunea dago Queiles ibaiertzean.

Tulebras - Novillas - Malón (9,8 km - 15 km)

Paisaiak erliebe pixka bat hartzen du tarte horretan. Laster, Malón erakutsiko digu bideak. Aurrera eginez gero, antzinako gaztelura helduko gara. Gaztelua talaia bikaina da Queiles ibaiaren ibarraren gainean. Aragoiko lurrak dira horiek. Malónen bi geltoki daude: bide estukoa eta bide zabalekoa. Bide zabalekoan, familia bat bizi da oraindik, trenbideari lotutako tresna zaharrak biltzen dituenak.

Malón - Vierlas - Tarazona (15 km - 22 km)

Paisaia malkartsuagoa da orain. 16 kilometrora iritsi baino lehentxeago, atseden gunea aurkituko duzu, zuhaitz artean. Bidearen azken tartea fruta-arbolen artean doa. Zoragarria da paisaia udaberrian, lorez betetzen baita. Bidea arte ondare oparokoa den Tarazonan amaitzen da.
[+ ikusi fitxa osoa]

Ba al zenekien...?

la Vía Verde forma parte del "Programa de Caminos Naturales" del Ministerio de Agricultura, Alimentación y Medio Ambiente.

Kokapena

Nola iritsi eta mugitu

Para llegar a la estación de ferrocarril, entrada de la N-232 "Tudela Sur-Fontellas", seguimos la avenida Zaragoza hasta la Cuesta de la Estación.

Ordutegi, data eta prezio orientagarriak. Entitate arduradunarekin baieztatzea aholkatzen da