Antolatu bidaia

Baztango Museoa

Museoak / Etnografikoa

Multimedia

Habitación baztanesa
icono pie de fotoHabitación baztanesa
Ayuntamiento baztanés
icono pie de fotoAyuntamiento baztanés
Casa Puriosenea
icono pie de fotoCasa Puriosenea
Pintura de Javier Ciga
icono pie de fotoPintura de Javier Ciga
Argazki guztiak ikusi

Eguraldia

Oharpena

A partir del 29 de junio el Museo Cerrará sus puertas de manera temporal.

Habitación baztanesa Puriosenea etxean -edo "mairuen etxean"- dago, Elizondo herriko eraikin zaharrenetako batean. Baztango museo etnografikoak bere ibarreko memoria gorde nahi du eta, horretarako, bildu nahi ditu Nafarroako mendebaldeko Pirinioetako bazter berde horiei tinko atxikiak dauden ohiturak eta usadioak.

Eraikin honetako ateak zeharkatzearekin batera, antzinako herri azoka batean murgilduko zara, lanbide zaharrak ezagutu, edo XIX. mendeko baztandarren folklorea, jantziak eta musika ezagutuko dituzu.
Zaharberritze handi baten ondoren, museoak Javier Cigaren 60 margolan biltzen ditu, balio handikoak. Ciga da XX. mendeko lehen erdiko Baztan ibarraren errealitatea hobekien islatu zuen pintorea.

Baztango museoaren aurrean, lorategi txiki baten barruan, Jorge Oteiza eskultoreak museoari eman zion Amatasuna artelana dago. Museoaren barruan, barneko lorategi batean, berriz, Soalarko hilarri-menhir bitxia dago.
 

Jorge Oteiza Baztango museo etnografikoa 2001ean sortu eta Elizondoko Puriosenea etxean dago. Herri hori Nafarroako iparraldean dago, Baztan ibaiaren ertzean. Nafarroa hezearen eremu honen ezaugarriak dira belar-soro heze eta berdeak, oihan zabalak eta klima leuna urtaro guztietan.

XV. mendearen bukaerako eraikin honetan Baztango gizon-emakumeen aspaldi-aspaldiko ohiturak eta usadioak biltzen dira era askotako gauzen, argazkien eta proiekzioen bidez. Landa bizimodu horretako sekretuak aurkitzeko parada izanen dugu, nolakoak ziren lanak eta nolakoak giza harremanak bai familia barnean bai auzokideen artean. Azkenik, jokoa eta festa ageri dira erakusketaren osagarri.

Erakusketa etnografikoa eta Javier Ciga pintorearen ohitura-pintura elkarrekin bizi dira hor; obra horiek benetako dokumentu historikoak eta soziologikoak dira, eta, horietan, erromantizismoak eta errealismoak iraganera eramaten dute ikuslea.

Bisita Baztango museo etnografikora

Beheko solairuan, hilarri bilduma txiki bat ikusiko duzu. Hilarriak hildakoen oroimenezko harriak dira, eta batzuek goialdean disko itxura dute. Jarraian, irudi hau ikusiko duzu: uztarriz lotutako bi idi, bizkarrean oihalak dituztela. Solairu horretan bertan Baztango denda batean murgilduko zara, landa estiloko denda horietako batean edo Azpilkuetatik datorren zurgindegi batean, edo, bestela, usadiozko lanbideak eta erabiltzen zituzten lanabesak ikusi. Islaturik ageri dira, besteak beste, arotzak, iruleak, larrukigileak eta kupelgileak. Handik lorategira atera eta lanabes bilduma osoa dago ikusgai: goldeak, gurdiak eta beste. Handik, lorategira sartzen da. Han, ibarreko monumentu megalitikoei buruzko gune bat aurkituko duzu lehenbizi, eta patioan sartuta, tresneriaren bilduma oso bat: arrabola, goldeak eta gurdiak. Zaindari baten gisara, Soalar erraldoiak museoko gauzen bilduma babesten du. 4,5 metroko altuera eta 3 tonako pisua duen zutarria da, eta bere alde batean grabatu bat dago.

Lehenbiziko solairuan ageri diren piezek zerikusia dute jokoarekin, pilotarekin, folklorearekin, jantziekin eta musikarekin. Bestalde, XX. mendearen hasierako sukalde bat, udaletxeko areto bat -ibarreko batzarra egiten ari dira bertan- eta logela bat daude bertan ikusgai. Cigaren lanak estrategikoki kokatu dira, ibarreko etnografia modu argitsuagoan adierazteko. Denek halako paralelismo bat dute erakutsitako objektuekin. Horrela, "sokadantza" folklorerako, "Reunión de los 12 ancianos bajo el roble de Jauregizar" ibarreko batzar nagusia erakusteko, "la salida de Misa" jantzi tipikoen ondoan, eta abar.

Bigarren solairuak aukera ematen dizu usadiozko lanbideak eta erabiltzen zituzten lanabesak ikusteko. Islaturik ageri dira, besteak beste, arotzak, iruleak, larrukigileak eta kupelgileak.

Jorge Oteizak museoarekin izan zuen lotura

Euskal eskultore bikain honek ederki erakutsi zuen zenbat maite zuen Elizondo eta, hartara, eskuzabal lagundu zien baztandarrei beren ondarea gordetzeko egiten ari ziren ahaleginean. Horrela, 2002an, "Amatasuna" deitu lana dohaintzan eman zion museoari, gaur egun museo aurrean dagoen lorategian dagoena. Elizondoko herritarrek, esker onean eta haren gorazarretan, artistaren izena aukeratu zuten museoari paratzeko.

Jorge Oteiza funtsezko artistetako bat izan da XX. mendeko eskulturaren bilakaeran. Gaur egun, bere lana Oteiza museoan ikusgai dago, hau da, Altzuzan dagoen hormigoizko kubo gorrikara handi batean, Iruñetik 8 kilometrora.

Kokapena

Oharrak

Cuenta con una amplia colección de cuadros del pintor Javier Ciga, el artista que mejor supo reflejar la realidad del valle de Baztan en la primera mitad del siglo XX.

Ordutegi, data eta prezio orientagarriak. Entitate arduradunarekin baieztatzea aholkatzen da

Inprimatzeko fitxa

Informazio praktikoa