Nafarroako erresuma. Lur anitza

Ikazkinaren eguna

Hondoan Lokiz mendiko kareharrizko gailurreria ageri zela, Lana ibarra protagonista bilakatu zen Montxo Armendáriz zinemagilearen Tasio filmean. Film horretan garai bateko ikazkinen nondik norakoak kontatzen dira; bizimodu gogorra zen hura, mendian bizi baitziren hainbat hilabetean. Ez zen kasualitatea zinemagileak Biloria aukeratu izana eszenatoki gisa, han bizirik jarraitzen baitu lanbide zahar horrek; oraindik ere egur-ikatza sortzen da bertan modu tradizionalean. Horregatik, uda bakoitzean, Biloriako larrainetan (herria bukatzen den aldean) berriz ere kea darie ikaztegiei.

Abuztuan lanbide horri omenaldia eginen zaio herrian. Egun tematikoa, hainbat jarduera biltzen dituena: erakusketak, txistor-jatea, jotak eta animazioa, besteak beste. Baina adierazgarriena bertako ikazkinen erakustaldiak izanen dira. Ezagut ezazu ikaztegiak nola egiten diren, egurra ikatz bihurtzeko prozesua zein den, tresneria... Antzinako lanbide hori ahantz ez dezagun beharrezkoa den guztia.

Kokapena:

Viloria-en eta inguruan

• Naturguneak
• Jarduera-enpresak
• Festak eta tradizioak
• Aisia eta kultur guneak
• Erosketak
• Non lo egin
• Non jan