Nafarroako erresuma. Lur anitza

Otazu

Etxauri inguruak eta, bereziki, Otazu eta Erieteko jaurerriek mahastizaintzarekin eta ardogintzarekin izandako lotura historikoak gogoan hartuta, Gabarbide SA enpresak etxaldeko eraikinen inguruko 110 bat hektareatan mahatsondoak landatzea erabaki zuen 1991n, Frantziako chateau-en ereduari jarraikiz.

Bestalde, upategi zaharra birmoldatzea eta beste bat eraikitzea pentsatu zuen, tradizioa, modernotasuna eta edertasuna batzeko asmoz. Azken emaitza izan da Nafarroako mahastizaintza eta ardogintzaren gaur egungo egoeran ardoa ontzeko upategi harrigarri bat sortzea; egun, 2.000 upel dauzka, eta lehen mailan dauden upategien artean kokatu da.

Ardoak beltzak eta zuriak dira. Beltzek zahartze, ontze eta erreserba prozesu bat betetzen dute. Zuriak, chardonnay barietatean daude oinarrituta, eta gazteak izan daitezke, edo frantziar haritzezko upel berrian hartzituak.

Lehen botilatuak "Palacio de Otazu" eta "Palacio de Eriete" markekin merkaturatzen dira; etorkizunean "Señorío de Otazu" eta "Señorío de Eriete" markekin ateratzea espero dute.

Etxauri-en eta inguruan

• Monumentu ondarea
• Jarduera-enpresak
• Festak eta tradizioak
• Aisia eta kultur guneak
• Erosketak
• Non lo egin
• Non jan