Nafarroako erresuma. Lur anitza

Lezaun S.L.

Bodegas Lezaun Lakarren dago, Urbasa eta Andia mendilerroen magaletan. Barruti abantailatsua da mahastizaintzarako, eta klima atlantikoaren eta mediterranearraren arteko trantsiziokoa da bertako klima. Upategiak familia-etxebizitza bateko sotoan daude -sotoa hainbat mendetakoa da-, eta eraikina harlanduz eraiki zuten XVII. mendean; upategia deskribatzen duten lehen idatzizko dokumentuak 1830. urtekoak dira.

Upategiak, halaber, erretegi-jatetxe bat dauka, 60 lagun har ditzakeena; upategiaren erdi-erdian dago, eta upelez inguratuta.
Zuzenean lantzen dituzte beren mahastiak, eta, hala, mahatsaren kopurua zein kalitatea kontrolatzen dituzte, eta nekazaritza ekologikoa erabiltzen dute ekoizpen eredu gisa.

Barietate nagusiak tempranillo, merlot eta cabernet sauvignon izenekoak dira, baina grazianoa eta garnaxa ere erabiltzen dituzte.
Bi ardo sorta merkaturatzen dituzte: "Egiarte" ardoak, nekazaritza konbentzionalekoak eta kalitate-prezio erlazio onekoak, eta "Lezaun Ecológicos" ardoak, zein ardo ekologikoak baitira, edo nekazaritza ekologikokoak, eta helburu nagusitzat produktuaren kalitatea eta ingurumena zaintzea dituztenak.

Lácar-en eta inguruan

• Naturguneak
• Monumentu ondarea
• Jarduera-enpresak
• Festak eta tradizioak
• Aisia eta kultur guneak
• Erosketak
• Non lo egin
• Non jan